Shkup, 14 dhjetor 2023 

Lideri i Lëvizjes Demokratike, Izet Mexhiti ka realizuar sot takim me profesoreshën dhe veprimtaren e njohur të çështjes shqiptare zonjën Myqereme Rusi. Mexhiti me këtë rast është shprehur se takimet e tilla, vetëm na japin edhe më shumë elan dhe energji që përfundimisht në vendin tonë të sjellim ndryshimin e madh që të gjithë e presin!

“Çka do që të them për biografinë profesionale e kombëtare si dhe kontributin e zonjës Myqereme Rusi do të ishte pak dhe e pamjaftushme. Atë që dua ta theksoj është se takimet si ky sonte, vetëm na japin edhe më shumë elan dhe energji që përfundimisht në vendin tonë të sjellim ndryshimin e madh që të gjithë e presin!

Ishte kënaqësi të bashkëbisedojmë me Prof. Myqereme, e cila në të gjitha proceset e rëndësishme kombëtare ishte aty, me qëndrimet e saja të fuqishme, e sonte unë tentova sado pak të marr nga energjia, përvoja dhe atdhedashuria e saj! Nuk do t’ju zhgënjejmë. Ndryshimi po vjen”, ka deklaruar Mexhiti.

________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.