Teheran, 6 mars 2026 (MIA) - Zëvendësministri i Punëve të Jashtme të Iranit, Maxhid Taht-Ravançi, sot deklaroi se Teherani i ka informuar vendet evropiane dhe shtete të tjera se ato do të jenë objektiva legjitime të sulmeve iraniane nëse i bashkohen luftës kundër Iranit, në anën e SHBA-së dhe Izraeli.

"Teherani tashmë i ka njoftuar evropianët dhe të gjithë të tjerët se duhet të jenë të kujdesshëm dhe të mos i bashkohen kësaj lufte agresive kundër Iranit. Nëse ndonjë vend i bashkohet SHBA-së dhe Izraelit në agresionin kundër Iranit, ai do të jetë objektiv legjitim i hakmarrjes iraniane", tha Taht-Ravançi në një intervistë.

Ai konfirmoi se Irani po sulmon grupe kurde në Irakun fqinj, pas publikimit të raporteve se CIA dhe Mosai po i armatosin këto grupe.

"Nëse është e nevojshme të mbrohet sovraniteti ynë, patjetër do ta bëjmë këtë", theksoi Taht-Ravançi. qa

Foto: Arkivi