Shkup, 24 dhjetor 2024 (MIA) - Sot në ora 10:15 është hequr ndalesa për qarkullim për automjete të rënda transportuese përmes grykës malore Strazhë, kumtoi NP Rrugët e Maqedonisë.

Nga ndërmarrja publike informuan edhe se nga ora 10:40 është hequr ndalesa e qarkullimit për automjetet e rënda transportuese në rrugën Kriva Pallankë – VK Deve Bair dhe Presekë.

Paraprakisht mëngjesin e sotëm prej aty informuan se qarkullimi në rrugët shtetërore po zhvillohet në rrugë të lagështa, në disa vende me mbetje të borës në rrugë, si dhe se ndalesa për automjete të rënda transportuese janë vendosur në drejtimet rrugore Dibër - Mavrovë, Kërçovë - Gostivar në rrugën Strazhë dhe Tetovë - Kodrën e Diellit ku pajisja dimërore është e detyrueshme për automjetet tjera.

Mëngjesin e sotëm nga ora 07:30 për shkak të reshjeve të borës, është vendosur ndalesë për qarkullim të mjeteve të rënda transportuese përmes qafës malore Barabaros, ndërsa nga ora 08:05 ndalesë për automjete të rënda transportuese është vendosur edhe në rrugën Kërçovë - Ohër nëpër qafën malore Presekë. Nga ora 08:30 ndalesë për automjete të rënda transportuese është vendosur edhe në rrugën Kriva Pallankë drejt vendkalimit kufitar Deve Bair. rq/bsh/

Foto: arkivi i MIA-s