Shkup, 7 mars 2023 (MIA) - Zëvendëskryeministri i Parë në Qeveri dhe ministër i Sistemit Politik dhe Marrëdhënieve midis Bashkësive, Artan Grubi nuk shikon diçka jomorale dhe joetike në atë që sot pasdite me ministrat e BDI-së ka luajtur basketboll dhe futboll në Kabinetin e tij.

Siç tha sonte, dita ka qenë e mundimshme dhe sfiduese. Mesazhi për "lojën" ka qenë se janë ekip i shkëlqyer, se janë të rinj dhe energjikë, të etur për rezultate dhe se sapo kanë filluar me punë.

"Nuk ishte gjatë orarit të punës, por edhe sikur të ishte. Ishte pas përfundimit të Komitetit Drejtues për ndërtimin e korridoreve 8 dhe 10d që është projekti më i madh në Maqedoninë e Veriut të pavarur. Më pas pati seancë qeverie me shumë pika dhe fjalim të ambasadores suedeze. Dita ishte e mundimshme, sfiduese. Me Nuredinin u takuam për kafe për herë të parë pasi u tërhoq nga funksioni. Në zyrën time ka një futboll, një gol, një kosh, një basketboll, një hendboll,... Nuk shoh asgjë të pamoralshme dhe joetike, vetëm gjuajmë, kemi luajtur pak futboll, pesë minuta dhe basketboll. Pse të mos luajmë brenda? Ne luajtëm futboll në një gol të vogël, nuk shohim asgjë të pakëndshme në këtë", sqaroi Grubi në pjesëmarrjen e sontme në Televizionin 24.

Ai kujtoi se në pajtim me riorganizimin e organeve të administratës shtetërore që e miratoi Qeveria, Ministria e Sistemit Politik duhet ta ndërmarrë edhe Agjencinë për Rini dhe Sport.

Grubi sot pasdite në profilin e tij në Fejsbuk ka publikuar një fotografi me kolegët e tij të BDI-së duke luajtur basketboll dhe futboll në Kabinetin e tij, ku në të ka shkruar “Drim Tim”. Ekipi që ishte në zyrën e Grubit përbëhet nga ministrat aktualë Bujar Osmani, Kreshnik Bekteshi, Fatmir Besimi, Jeton Shaqiri si dhe ish-kolegu i tyre Naser Nuredini.

foto: Fejsbuk dhe printskrin