Zagreb, 16 maj 2024 (MIA) - Gordan Jandrokoviq nga partia qeveritare e qendrës së djathtë, Unioni Demokrat Kroat (HDO) është zgjedhur kryetar i parlamentit kroat për herë të tretë. Asnjë nga 11 paraardhësit e tij nuk e arriti këtë në 34 vitet e ekzistencës së Parlamentit kroat.

Me emërimin e Jandrokoviqit si president, përfundon konstituimi i Parlamentit të 11-të që kur Kroacia u bë e pavarur në vitet 1990.

Në zgjedhjet e 17 prillit, HDO fitoi 61 mandate prej 151 anëtarësh në parlamentin kroat, por nuk ka shumicën e nevojshme për të marrë mandatin për të formuar qeverinë dhe duhet të negociojë me partnerët e koalicionit. Pason opozita kryesore Partia Socialdemokrate me 42 mandate, Lëvizja Patriotike fitoi 14, E Djathta Most 11 dhe platforma e Majtë e gjelbër Mundemi - 10 mandate. Në parlament hyjnë edhe tri parti të tjera më të vogla. Përfaqësuesve të pakicave u garantohen tetë mandate deputetësh, ndërsa diasporës tre.

Jandrokoviq u zgjodh me 144 vota “pro” dhe 6 “kundër”. qa/

Foto: arkivi i MIA-s