Gazë, 28 tetor 2024 (MIA) – Drejtoria e mbrojtjes civile në Gazë njoftoi se të paktën 1.000 palestinezë janë vrarë në sulmet e kryera nga armata izraelite në pjesën veriore të Rripit të Gazës gjatë tri javëve të fundit. 

Zëdhënësi i Drejtorisë për Mbrojtje Civile, Mahmud Basak, deklaroi se të paktën 1.000 njerëz ishin vrarë në sulmet e kryera nga armata izraelite në pjesën veriore të Gazës për rreth tri javë. 

Basal deklaroi se të paktën 100.000 njerëz u ishin nënshtruar bllokadave dhe sulmeve në Xhabalia, Beit Hanun dhe Beit Lahija, ndërsa edhe 100.000 njerëz ishin të zhvendosur në qytetin Gazë. 

Duke bërë të ditur se armata izraelite e ka vrarë çdonjërin që ka bërë përpjekje tu dërgojë ndihmë palestinezëve në pjesën veriore të Gazës, Basal thotë se Izraeli e ka shfrytëzuar heshtjen e bashkësisë ndërkombëtare që të zbatojë politikë të “shkatërrimit etnik” në pjesën veriore të Gazës. 

Basal kërkoi nga institucionet ndërkombëtare të ndërmarrin masa urgjente për shpëtimin e palestinezëve në veri të Gazës. 

Armata izraelite, e cila më 5 tetor kreu sulme intensive ajrore në veri të Gazës, veçanërisht në kampin e refugjatëve Xhabalia, më 6 tetor kreu edhe sulm tokësor ndaj rajoneve të përmendura. 

Spekulohet se ky hap është ndërmarrë me qëllim që të evakuohen palestinezët nga veriu i Gazës dhe të përgatitet rajoni për zhvendosjen izraelite, por këto deklarata nuk munden të merren me siguri. fc/

Fotografia: Arkivi i MIA-s