Kiev, 15 gusht 2024 (MIA) - Forcat ajrore të Ukrainës sot në mëngjes njoftuan se gjatë natës rrëzuan të 29-të dronët e nisur nga Rusia mbi tetë rajone të Ukrainës, duke shkaktuar vetëm dëme të vogla. 

Rusia, gjithashtu, ka lëshuar tre raketa të drejtuara Kh-59 gjatë sulmit, thuhet në njioftimin e forcave ajrore, transmetuan mediat britanike. 

Guvernatori i rajonit qendror Çerkasi tha se mbetjet e dronëve dëmtuan dritaret e një ndërmarrjeje private, ndërsa guvernatorët e rajoneve Kiev, Poltava dhe Kirovograd nuk raportuan asnjë dëmtim në infrastrukturë dhe nuk ka viktima. 

Guvernatori i rajonit jugor Mikolaev deklaroi se forcat ajrore atje rrëzuan pesë dronë, por nuk tha nëse sulmi shkaktoi ndonjë dëm.

Edhe tetë dronë ishin rrëzuar mbi rajonin jugor Herson, tha guvernatori i rajonit. 

Në sulmet e djeshme ruse në atë rajon gjatë ditës së kaluar, një person humbi jetën dhe 13 u plagosën, tha ai. qa/

Foto: EPA