Shkup, 12 shtator 2023 (MIA) - Drejtoresha e Akademisë së Gjyqtarëve dhe Prokurorëve Publikë, Natasha Gaber Damjanovska, konsideron se ndryshimet në Kodin Penal nuk duhet të shihen të izoluara në raport me zhvillimet në periudhën e kaluar. Pyetja e vërtetë, siç tha ajo sot, është se pse kanë kaluar kaq shumë vite me pak përfundim në çështjet e ngritura nga prokuroritë.

"Mendoj se ndryshimet nuk duhet t'i shohim të izoluara në raport me atë që ndodhi në periudhën e kaluar. Për mua pyetja e vërtetë është se pse kanë kaluar kaq shumë vite dhe kemi pasur kaq pak konkluzione për të gjitha ato lëndë që janë ngritur, qoftë nga Prokuroria Speciale Publike apo nga Prokuroria e rregullt. Vërtet, duhet analizuar, Këshilli Gjyqësor, Këshilli i Prokurorëve Publikë duhet të interesohen pak për procedurat për atë që ndodhte. Edhe në të kaluarën kishte amnisti, boshatisje të burgjeve dhe mbipopullim të tyre. Sistemi penetrues nuk mund të mbulojë të gjitha ato nevoja që ekzistojnë në të vërtetë nëse duam që të gjithë të shkojnë në burg. Të gjithë elementët bëjnë një tërësi që duhet analizuar objektivisht për të parë se çfarë dhe si është", tha Gaber Damjanovska, në pyetjen e një gazetari pas pjesëmarrjes në Konferencën “Femicidi në Maqedoninë e Veriut dhe në Ballkanin Perëndimor”, që u mbajt në Shkup.

Ndryshimet në Kodin Penal i komentoi edhe ministrja e Punës dhe Politikës Sociale, Jovanka Trençevska, e cila tha se ndryshimet në lidhje me konfiskimin e pasurisë janë në drejtim të mirë. Pas reagimeve të ndryshme ndaj ndryshimeve.

"Në opinion kishte qëndrime të ndryshme të KP-së, disa ekspertë thanë se ndryshimet janë në drejtimin e duhur. Kishte edhe ekspertë të tillë, pjesë e profesionit juridik, të cilët kritikuan ndryshimet. Në një pjesë të konfiskimit të pasurisë, mendoj se ndryshimet janë në drejtimin e duhur, të cilat garantojnë se çdo gjë që është fituar në mënyrë të kundërligjshme do të konfiskohet dhe do t'u kthehet qytetarëve", tha Trençevska. Ajo shtoi se nuk është juriste dhe se Ministria e Drejtësisë, Qeveria dhe disa nga ekspertët që mbështesin ndryshimet thonë se nuk do të ketë parashkrime të akteve, por përkundrazi një gjyqësor më efektiv dhe efikasitet në punën e lëndëve që janë pjesë dhe do të mbulohen me ndryshimet e Ligjit Penal. sa/

Foto: MIA