Shkup, 6 dhjetor 2023 (MIA) - Këshilli gjyqësor sot ka marrë vendim për formimin e Komisionit që do të vlerësojë nëse kërkesa e Gjykatës së lartë administrative për përsëritjen e procedurës për zgjedhjen e anëtares së Këshillit Gjyqësor, Loreta Gorgieva është e plotë, me kohë dhe e lejueshme.

Komisioni, sipas ligjit, është i vjetër i plotësuar me një anëtar të ri në vend të Gordana Spirovskës, ndërsa kryetar i saj është anëtari Hanif Zendeli.

Gjyqtarja Loreta Gorgieva në seancën e sotme ka shpallur kërkesë për shkarkimin e anëtares Vesna Dameva nga komisioni e cila do të sqarohet me shkrim dhe do të vendosë Këshilli.

Zgjedhja e vitit 2012 u kontestua nga një gjyqtar nga Shtipi i cili është tani në pension dhe është padit në Strasburg në vitin 2013. Gjykimi në Strasburg është i vitit 2019.

Këshilli gjyqësor sot ka miratuar edhe raportin e Komisionit pas konkursit të shpallur për përzgjedhjen e gjyqtarëve në Gjykatën e Apelit Shtip në të cilin kanë aplikuar gjashtë kandidatë.

Në fillim të seancës së 467-të, Këshilli miratoi procesverbalet e seancave 454-të, 455-të dhe 456-të.

Pikat për marrjen e vendimit për publikimin e shpalljes për zgjedhjen e gjyqtarëve të Gjykatës Supreme të RMV-së dhe analizën e nevojës për marrjen e vendimit për publikimin e shpalljes për zgjedhjen e gjyqtarëve të gjykatave të apelit në RMV janë tërhequr dhe Këshilli, bëri të ditur se ato do të futen në rend dite në seancën e ardhshme. qa/

Foto: MIA/printskrin