Shkup, 2 korrik 2023 

Për shkak të shkrimeve të shumta në mediume, në lidhje me punën e FIZHT, si dhe mënyrat se si mbështeten projektet, na lejoni që t'ju informojmë saktë:

Numri prej gati 1000 projekteve të mbështetura, me një vëllim investimi mbi 118 milionë euro, tregon se Fondi është shtëpia e vërtetë e të gjitha ndërmarrjeve inovative dhe motori kryesor për zhvillimin e ndërmarrjeve maqedonase. FIZHT është i vetmi institucion në vend që ka certifikatën ISO: 31007 për luftën kundër korrupsionit.

Thirrja publike për dorëzimin e propozim projekteve për financim në kuadër të instrumentit mbështetës “Grante të bashkëfinancuara për zhvillim teknologjik për rritje të përshpejtuar ekonomike” u dedikohet ndërmarrjeve dhe institucioneve private shëndetësore, me qëllim të krijimit të kushteve për tejkalimin e pasojave të krizës ekonomike, për të arritur një rritje të përshpejtuar, për të rritur konkurrencën e tregjeve ndërkombëtare dhe rezistencën ndaj krizave pandemike dhe klimatike, përmes prezantimit të teknologjive të reja, inovative, të avancuara, të gjelbra dhe digjitale për transformimin e tyre.

Të gjitha ndërmarrjet e regjistruara kalojnë një proces para-seleksionimi të kryer nga tre ekspertë vendas nga 22 fusha të ekspertizës. Projektet vlerësohen sipas kritereve të përcaktuara: shkalla e inovacionit, cilësia e projektit të përgatitur, potenciali i tregut, kapaciteti i aplikantit dhe ndikimi i projektit. Të gjitha projektet që marrin një notë mesatare prej të paktën 51 pikë vazhdojnë në fazën tjetër. Përzgjedhja përfundimtare bëhet nga KMI (Komitetit të Miratimit të Investimeve), i përbërë nga 5 ekspertë botërorë. Kryetari i KMI (Komitetit të Miratimit të Investimeve) është Marvin Liao dhe ai është ish-CEO i Yahoo dhe ka investuar personalisht në mbi 400 startup-e.

Gjithashtu duam të theksojmë se sipas Rregullores së instrumentit, mbështetja financiare nga Fondi është e rimbursueshme dhe kryhet në masën 7.5% të fitimit operativ të përfituesit, deri në realizimin e rimbursimit prej 105% të shumës së paguar nga Fondi, ose për një periudhë pesëvjeçare pas përfundimit të projektit, varësisht se cili kusht plotësohet i pari.

Për sa u përket ndërmarrjeve të listuara: Thor Industries dhe Everest XhD, të cilat janë përfituese të mbështetjes financiare në kuadër të instrumentit "Grante të bashkëfinancuara për zhvillim teknologjik për rritje të përshpejtuar ekonomike", pronari i njëjtë ka paraqitur edhe propozim projektе në kuadër të instrumenteve të tjera për mbështetje nga Fondi për Inovacionе dhe Zhvillim Teknologjik, por janë refuzuar nga Komiteti i ekspertëve ndërkombëtar.

Kjo do të thotë se çdo ndërmarrje që nuk plotëson kriteret e pranueshmërisë së aplikantit dhe ka marrë një vlerësim negativ nga KMI nuk do të miratohet për financim nga Fondi për Inovacione dhe Zhvillimit Teknologjik.

Fondi i Inovacioneve dhe Zhvillimit Teknologjik 

—————————————————————————————————————————

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.