Tetovë, 14 dhjetor 2024 (MIA) - Kryetari i Komunës së Tetovës, Bilall Kasami dhe përfaqësues të administratës kanë udhëtuar me qytetarët me autobusë të transportuesit komunal në linjën Tetovë-Kodra e Diellit-Tetovë i cili ka filluar të funksionojnë nga sot me rastin e fillimit të sezonit të skijimit.

Qendra e skijimit Kodra e Diellit nga e premtja ka vënë në përdorim skiliftet duke shënuar fillimin e sezonit të skijimit në Kodër të Diellit.

Kasami porositi që të përdoret transportit publik dhe paralajmëroi mbështetje për qendrën e skijimit si nga Qeveria ashtu edhe nga komuna.

"Është ndërmarrë gjithçka që ky sezon dimëror të jetë i suksesshëm. Në një afat të shkurtër është bërë punë e madhe, për të cilën e përgëzoj drejtorin dhe nga sot kjo qendër është në shërbim të qytetarëve. Ftoj të gjithë skiatorët dhe adhuruesit e sporteve dimërore së bashku me fëmijët dhe familjet e tyre të vijnë dhe të shijojnë dhe është e mirë për shëndetin e tyre. Unë premtoj se si pushtet vendor dhe si qeveri do të punojmë fuqishëm. Dhe shumë më tepër me investimet që planifikojmë të realizojmë në këtë qendër turistike", ka thënë Kasami.

Ndërmarrja publike “Transporti Tetovë” nga sot ka vendosur linjën Tetovë-Kodra e Diellit-Tetovë e cila do të funksionojë të shtunave dhe të dielave. Nga Tetova për në Kodër të Diellit autobusët do të nisen në orën 08:00, 10:00, 12:00 dhe 15:30, ndërsa në qytet do të kthehen një orë më vonë nga këto terminë.

Foto: Komuna e Tetovës