Shkup, 27 tetor 2023 (MIA) - Komisioni Kuvendor për Çështje të Rregullores, Mandatit dhe Imunitetit sot do ta fillojë debatin e amendamenteve për Propozimin e Rregullores së Kuvendit. Kryetari i Kuvendit Talat Xhaferi, si propozues i tij ka dorëzuar disa amendamente, ndërsa kanë dorëzuar edhe E Majta, VMRO-DPMNE dhe LSDM.

Sipas informacioneve nga Kuvendi, Komisioni do të punojë për amendamentet nëse është e nevojshme edhe gjatë fundjavës, ndërsa koordinatorët e grupeve parlamentare gjatë ditës së djeshme kanë harmonizuar qëndrimet për disa amendamente.

"Pritet të pranohen disa nga amendamentet që më parë ishin pranuar me konsensus nga koordinatorët e grupeve parlamentare, njoftoi dje kryetari i Kuvendit Xhaferi në takimin me shefin e misionit të OSBE-së në Shkup, ambasadorin Kilian Val. Kryetari i Kuvendit tha se rregullat për punën e Kuvendit duhet të jenë të sakta sepse janë instrumenti më i mirë për një parlament funksional.

Rregullorja e re e Kuvendit, sipas njoftimeve të Xhaferit, pritet të miratohet me konsensus dhe me siguri do të futet në rendin e ditës të seancës së re të caktuar për më 2 nëntor.

Rregullorja do të zbatohet nga fillimi i mandatit të ri kuvendor. Për herë të parë do të veprojë kryetari aktual i Kuvendit Xhaferi duke thirrur seancë konstituive në përbërjen e ardhshme parlamentare. Risi është se ajo seancë nuk do të mund të zgjasë më shumë se tre ditë.

Rregullorja e re e Kuvendit është rezultat i diskutimeve pesëvjeçare ndërmjet grupeve të deputetëve nga ky mandat dhe ai i kaluar të cilat filluan në suaza të procesit Zhan Mone me ndërmjetësimin e disa eurodeputetëve.

Në takimin e djeshëm të Xhaferit me ambasadorin Val, i cili u falënderua për mbështetjen që Kuvendi e merr nga Misioni i OSBE-së në Shkup gjatë periudhës së fundit, mes tjerash, edhe për çështjet e Propozim-rregullores. Xhaferi theksoi se qëllimi i të gjithë pjesëmarrësve në përgatitjen e propozim-rregullores së re është të parandalohen të gjitha rastet e padëshiruara të bllokimit të punës së shtëpinë ligjvënëse, mësuar nga përvoja e deritanishme në 30-të vitet e fundit. sa/

FOTO. Arkivi i MIA-s