Prilep, 13 tetor 2024 (MIA) - Presim që kryeministri Hristijan Mickoski ta sigurojë mbështetjen e paralajmëruar në BE, për propozimin e tij që ndryshimet kushtetuese të zbatohen me veprim të vonuar, deklaroi sot kryetari i LSDM-së, Venko Filipçe, duke u përgjigjur në pyetjen e gazetarëve, gjatë vizitës në manastirin "Shën Dimitria" pranë fshatit Sellcë të Prilepit, me rastin e festës së 11 Tetorit.

"Presim që kryeministri ta sigurojë atë mbështetje, e cila sigurohet me konsensus në Bashkimin Evropian, se atje do të pranojnë të ketë ndryshime kushtetuee me veprim të vonuar, dhe kur ai do ta sigurojë atë, ne absolutisht do ta mbështesim", tha Filipçe në përgjigje të pyetjes nëse për LSDM-në është i pranueshëm propozimi për ndryshime kushtetuese me veprim të vonuar. 

Filipçe kërkoi nga kryeministri Mickoski të thotë se cilat vende e mbështesin propozimin e tij. 

 "Kryeministri paralajmëron se ka një mbështetje nga disa vende anëtare në BE, jo nga të gjitha, ndërsa atje e dimë që vendimet merren me konsensus, se gjoja për ta është është e pranueshme që të kenë ndryshime kushtetuese me veprim të vonuar. Ne bëmë një apel të hapur, një thirrje që të ketë një seancë kuvendore ku kryeministri do të thotë se cilat janë ata vende që na mbështesin me propozimin e tij, sepse Kuvendi është ai që merr vendime dhe Kuvendi është vendi ku krijohen politika të tilla. Në këtë kuptim presim që kryeministri të thotë se cilëat janë ato vende, cila është ajo mbështetje, por në të njëjtën kohë kemi parasysh dy persona që e përgënjeshtrojnë kryeministrin në ato paralajmërime. Së pari, ministri i tij për Integrime Evropiane, Murtezani, i cili thotë se një punë e tillë është e papranueshme për Bashkimin Evropian dhe ambasadori i BE-së në vendin tonë, z. Rokas, i cili tha të njëjtën. Dhe, për të qenë më konkret, presim që kryeministri ta sigurojë atë mbështetje, e cila sigurohet me konsensus në Bashkimin Evropian, se atje do të pranojnë të kenë ndryshime kushtetuese me veprim të vonuar dhe kur ai do ta sigurojë atë, ne do ta mbështesim atë absolutisht", deklaroi Filipçe.

 Sipas kryetarit të LSDM-së, partia në pushtet VMRO-DPMNE jo vetëm që nuk e ka përmirësuar pozicionin negociues, siç paralajmërohej, por situata po përkeqësohet, ndërsa  epilogu përfundimtar është ndarja e Shqipërisë nga Maqedonia në rrugën drejt BE.

"Ne, fatkeqësisht, në periudhën e kaluar nuk shohim asgjë konkrete, asnjë përpjekje për të përmirësuar pozicionin tonë negociues. Përkundrazi, shohim vetëm përkeqësim të situatës, përkeqësim të marrëdhënieve dypalëshe, fillimisht me Greqinë e më pas edhe me Bullgarinë dhe, për fat të keq, vendimin që ne të ndahemi në rrugën drejt Bashkimit Evropian nga Shqipëria, për shkak se, në mënyrë të qartë,  tek ne nuk shohin ndonjë përparim në BE. Në këtë rast,  seanca ndërqeveritare që do të mbajë tashmë Shqipëria do të zhvillohet më 15 tetor, për vetëm dy ditë. Një seancë të tillë, në datën e njëjtë do ta kishim edhe ne  të kishim një pushtet pak më të përgjegjshëm", deklaroi Filipçe gjatë qëndrimit të sotëm në manastirin "Shën Dimitria" afër Prilepit në tubimin tradicional të partisë.

 Foto: MIA