Shkup, 13 prill 2023 (MIA) - Enti Shtetëror i Revizionit i publikoi raportet e revizionit për NJVL Haraçinë. Nga ESHR informojnë se kanë kryer revizion në raportet financiare së bashku me revizionin e pajtueshmërisë në Komunën e Haraçinës, në llogarinë e buxhetit kryesor (630), për vitin 2021.

"Me revizionin e kryer kemi shprehur mendim të pafavorshëm për realitetin dhe objektivitetin e pasqyrave financiare për vitin 2021 dhe për pajtueshmërinë me rregulloren ligjore, udhëzimet dhe politikat e përcaktuara. Është bërë revizion për vitin 2017 dhe është lëshuar raporti përfundimtar për pasqyrat financiare dhe revizion i përputhshmërisë së Komunës së Haraçinës, llogarisë së buxhetit bazë (630), me ç'rast revizori i autorizuar shtetëror është përmbajtur nga dhënia e mendimit për realitetin dhe objektivitetin e raporteve financiare, ndërsa është shprehur mendim i pafavorshëm për pajtueshmërinë me ligjet dhe rregulloret", thuhet në kumtesën e sotme të ESHR.

Revizioni i ka përfshirë zbatimin e rekomandimeve të zbatuara në Raportin final të revizorit të autorizuar shtetëror për revizionin e kryer të raporteve financiare dhe revizionit të harmonizimit për vitin 2017 të Komunës së Haraçinës dhe është përcaktuar se nga gjashtë rekomandimet e dhëna, pesë nuk janë zbatuar ndërsa një është në zbatim e sipër.

Me revizionin e bërë për raportet financiare dhe revizionin e përputhshmërisë së Komunës së Haraçinës, llogaria e buxhetit bazë (630) për vitin 2021, ESHR janë konstatuar këto situata: dobësi në realizimin e procesit buxhetor, realizimin e të hyrave të planifikuara dhe shpenzimeve prej 77 për qind dhe nuk është miratuar ribalancim i Buxhetit për vitin 2021; nuk është themeluar një njësi e revizionit të brendshëm, as bashkëpunimi i komunës me një komunë tjetër në fushën e revizionit të brendshëm; komuna nuk mban regjistër të pronës së paluajtshme, nuk jep vendime për huamarrje për tatimin në pronë për personat fizikë dhe juridikë, si dhe taksa e qarkullimit të patundshmërive dhe tatimi në trashëgimi dhe dhuratë nuk caktohen sipas Metodologjisë për përcaktimin e vlerës së tregut.

Siç qëndron në raport, komuna nuk realizon të ardhura në bazë të taksës komunale së kompanive, taksës komunale për muzikë në lokalet publike, taksës komunale për ekspozimin e reklamave, publikimeve dhe shpalljeve në vende publike dhe të ardhura nga kompensime për rregullimin e tokës ndërtimore; nuk është vendosur evidencë analitike e kërkimit të personave fizikë dhe juridikë me dokumentacion përkatës mbështetës, nuk është përcaktuar baza për ekzistimin e tyre dhe mundësia për pagesën e tyre.

Në drejtim të tejkalimit të gjendjeve të përcaktuara, revizioni ka dhënë rekomandime me qëllim të ndërmarrjes së masave dhe aktiviteteve nga personat kompetentë dhe organet në funksion të përmirësimit të gjendjeve.

Foto: MIA