Kajro, 6 janar 2025 (MIA) - Egjipti pret të marrë 1,2 miliardë dollarë këtë muaj në kuadër të programit të mbështetjes financiare nga Fondi Monetar Ndërkombëtar (FMN) në vlerë të përgjithshme prej tetë miliardë dollarësh, tha ministri i Financave i vendit Ahmed Kuçuk, cituar nga edicioni onlajn "Enterprise News".

Në një intervistë për programin e TV ON, Kuçuk hodhi poshtë spekulimet se Kajro dëshiron të rrisë shkallën e programit. Deklarata vjen pasi u arrit një marrëveshje në nivel ekspertësh në fund të dhjetorit të vitit të kaluar për rishikimin e katërt të programit të vonuar prej kohësh dhe miratimin e transhës së ardhshme.

"Qeveria synon të mbledhë tre miliardë dollarë nga tregjet globale debitore në gjysmën e parë të vitit. Do të kthehemi në tregun global debitor me çështje të ndryshme për të tërhequr lloje të ndryshme investitorësh, por në një shkallë relativisht të vogël”, tha Kuçuk.

Ai shpjegoi se privatizimi do të ndihmojë gjithashtu në mbledhjen e fondeve në vitin 2025. Sipas tij, tre ose katër kompani do t'i ofrohen investitorëve strategjikë ose bursës egjiptiane përmes një oferte publike fillestare deri në fund të vitit fiskal në fund të qershorit. sa/

Foto: Arkivi i MIA-s