Shkup, 15 korrik 2024 (MIA) - Mbi njëqind parfume "Gisada" në vlerë prej 240 mijë denarë janë konfiskuar nga ana e nëpunësve doganor në hyrje të vendkalimit kufitar Tabanoc pasi një shofer i autobusit pa i deklaruar ka bërë përpjekje për t'i futur në shtet ilegalisht , informojnë nga Drejtoria Doganore.

Në një pyetje nga ana e nëpunësve doganor nëse ka diçka për të deklaruar shoferi ka thënë se i ka vetëm gjërat personale. Megjithatë është kryer kontroll detajor me ç'rast në bagazhin në pjesën për vegla janë gjetur gjithsej 106 parfume për të cilat shoferi është dashur të paguajë detyrimet e importit në vlerë prej 49 mijë denarë. 

Ndaj transportuesit është ngritur kallëzim kundërvajtës për mos respektim të rregullave doganore.

Drejtoria Doganore në vazhdimësi ndërmerr veprime strikte për zbulimin e krimit dhe për të krijuar kushte për konkurencë korrekte. sa/

Foto. Drejtoria Doganore