Shkup, 10 korrik 2024 (MIA) - Kryetarja e Komisionit Shtetëror për Parandalimin e Korrupsionit, Tatjana Dimitrovska, në seancën e sotme të Komisionit Parlamentar për Sistem Politik dhe Marrëdhënie Ndërmjet Bashkësive, në të cilën u debatua Raporti vjetor për punën e Komisionit Shtetëror për Parandalimin e Korrupsionit për vitin 2023, theksoi se mungesa e mjeteve buxhetore, pajisjeve dhe personelit të pamjaftueshëm ndikojnë në funksionimin e Komisionit. 

"Raporti për buxhetin e KSHPK-së për vitin 2023 identifikon situatat e mëposhtme – mjetet për paga dhe kompensime mbulojnë mbi 81 për qind të buxhetit të përgjithshëm, mjetet për mallra dhe shërbime marrin pjesë me 16 për qind, ndërsa mjetet për shpenzime kapitale janë vetëm 3 për qind, gjë që tregon se nëse duam të përmirësojmë funksionimin e Komisionit, janë të domosdoshme mjete shtesë për investime kapitale dhe për nevoja rrjedhëse të institucionit. Mungesa e mjeteve dhe pajisjeve ndikon konsiderueshëm në funksionimin e KSHPK-së. Pa investime të mjaftueshme në kapacitetet institucionale, është veçanërisht e vështirë dhe sfiduese me efikasitetin dhe përgjegjësinë e nevojshme për të përmbushur detyrimet tona ligjore", tha Dimitrovska.

Kjo, siç tha ajo, është veçanërisht e rëndësishme për të përmbushur misionin tonë për të luftuar korrupsionin dhe për të siguruar integritetin në sektorin publik.

"Sekretariati i KSHPK-së arriti të plotësojë 47 nga 64 personat e punësuar të planifikuar, megjithatë, situata tregon ekipim të pamjaftueshëm. Rekomandimet për mjete plotësuese për punësime të reja janë thelbësore për përmirësimin e funksionimit të institucionit në luftën kundër korrupsionit. Raporti bën të ditur për ndryshim urgjent në buxhetin e KSHPK-së për të siguruar mjete të mjaftueshme që janë të nevojshme për funksionimin e Komisionit dhe cilësinë e shërbimeve që ai i siguron", tha Dimitrovska.

 Kryetarja e Antikorrupsionit u ankua se përballen me sfida në raport me dorëzimin e të dhënave nga institucionet që bëjnë emërimet dhe shkarkimet e personave të emëruar dhe të zgjedhur.

“Komisioni u përball me sfida në drejtim të dorëzimit të të dhënave nga organet, respektivisht nga institucionet që kryejnë emërime dhe shkarkime, gjë që ndikoi edhe në saktësinë e të dhënave në regjistrin e personave të zgjedhur dhe të emëruar”, shprehet Dimitrovska.

Ajo bën thirrje për përditësimin e rregullt e të dhënave nga institucionet që bëjnë zgjedhje dhe emërime dhe që kanë detyrim ligjor të paraqesin këto të dhëna, mosarritja e të cilave paraqet kërcënim serioz për punën e KSHPK-së, për të cilën në të ardhmen Komisioni do të ndërmarrë masa në përputhje me kompetencat ligjore.

Dimitrovska theksoi se kanë pranuar 649 kallëzime, kanë filluar të kontrollojnë 21 bartës të funksioneve publike, dhe kanë lëshuar 160 urdhërpagesa për kundërvajtje, gjegjësisht kanë arkëtuar gjoba në vlerë prej rreth 13 mijë euro, ndërsa kanë zgjidhur 1.139 lëndë.

 Ajo njoftoi se përpjekjet e koordinuara për përmirësimin e integritetit dhe efikasitetit të sistemit të drejtësisë do të jenë prioritet në të ardhmen. Ashtu si më parë, theksoi Dimitrovska, ne do të vazhdojmë pa dallim, në mënyrë të paanshme dhe transparente në këtë përbërje të re me synimin për luftë efektive kundër korrupsionit.

Deputeti i VMRO-DPMNE-së Antonio Milososki theksoi se struktura e raportit për punën e KSHPK-së për vitin 2023 u bë në mënyrë solide dhe mbuloi të gjitha kompetencat e komisionit, por tha se dështimi i Këshillit Gjyqësor Republikan për të vepruar ishte zhgënjim total edhe si organ kolektiv, edhe si vendime personale, dhe se Çaçorova Ilievska duhet të japë dorëheqjen dhe ky duhet të jetë një hap drejt reformës së mundshme dhe të nevojshme.

"Në raport, aktual është këtyre ditëve pjesa ku Komisioni Antikorrupsion i referohet kritereve politike të reformës së administratës publike, gjyqësorit dhe luftës kundër korrupsionit. Në pjesën e sistemit të drejtësisë thuhet se nuk është bërë progres në gjyqësor, Këshilli Gjyqësor duhet të përpiqet të mbrojë integritetin dhe pavarësinë e gjykatësve. Lidhur me raportin e KSHPK-së për vitin 2023, vlerësoj se ka konkluzione serioze që mund t'i shërbejnë shumë institucioneve si udhëzues për veprim, për një rezultat më të mirë në luftën kundër korrupsionit, por në lidhje me dështimin e Këshillit Gjyqësor Republikan, është një zhgënjim total si organ kolektiv ashtu edhe si vendime personale, Çaçorova Ilievska e lartpërmendur duhet të japë dorëheqjen dhe ky duhet të jetë një hap drejt reformës së mundshme dhe të nevojshme që duhet të bëjë Kuvendi dhe të gjitha institucionet, sepse me këtë përbërje të Këshillit Gjyqësor Republikan, nuk besoj se me të njëjtët njerëz mund të arrihen rezultate të ndryshme", tha Milloshoski. 

Deputeti konsideron se kjo duhet të përdoret si argument për të forcuar presionin për reformën e nevojshme në Këshillin Gjyqësor. 

"Tatjana Çaçorova Ilievska duhet të japë dorëheqjen si anëtare e Këshillit Gjyqësor sepse gjykatësit dhe kolegët në Akademinë për Gjykatësit dhe Prokurorë Publik janë më afër dhe më të dashur sesa i janë të rëndësishme dispozitat ligjore. Personat për të cilët konsideroj se nuk duhet të jenë anëtarë të institucioneve të tilla të larta janë argument se pse është e nevojshme reforma e Këshillit Gjyqësor të Republikës është se Tatjana Çaçorova Ilievska, e cila ka punuar si avokate dhe ka qenë këshilltare juridike për çështjet juridike të ish-kryeministrit Zoran Zaev, nuk i lexon as mendimet kryesore juridike të Gjykatës Supreme, që është detyra e saj", theksoi Milloshoski. 

Deputeti nga Koalicioni Vlen, Halil Snopçe, tha se tema e korrupsionit ishte temë e dhimbshme dhe se pa vetingun e gjykatësve dhe prokurorëve, shteti nuk kishte arritur asgjë në këtë temë.

"Raportet për punën e KSHPK-së dhe Avokatit të Popullit janë të shkëlqyera në letër, por mbeten vetëm raporte dhe shumë rekomandime që bëhen mbeten vetëm rekomandime dhe ato përsëriten në një formë nga viti në vit", tha Snopçe, i cili përsëriti se ai mbron vetingun e gjykatësve dhe prokurorëve. Nevojiten reforma në sistemin gjyqësor, të cilat deri më tani kanë munguar.

Deputetja e LSDM-së Sllavjanka Petrovska theksoi se këto raporte shërbejnë si udhërrëfyes për të parë se si shteti ku jemi dhe ku duhet të arrijmë.

"Lufta kundër korrupsionit dhe krimit të organizuar është një luftë që zgjat dhe do të zgjasë, por është detyra jonë, e të gjithë neve që jemi të përfshirë në këtë sistem, ta përmirësojmë gjithmonë atë luftë. Raporti është me të vërtetë shterues, i detajuar dhe praktikisht mund të them se është shembull se si institucionet e tjera në vend duhet të dorëzojnë raporte që pasqyrojnë qartë atë që është bërë, atë që është bërë, por edhe sfidat. Në shoqëritë moderne, kërcënimi i korrupsionit dhe krimit të organizuar është gjithashtu kërcënim për sigurinë", tha Petrovska.

 Anëtarët e Komisionit Parlamentar për Sistem Politik dhe Marrëdhënie Ndërmjet bashkësive në seancën e sotme shqyrtuan vetëm Raportin vjetor për punën e Komisionit Shtetëror për Parandalimin e Korrupsionit për vitin 2023, dhe miratimi mbetet në vazhdimin e ardhshëm të seancës sepse kryetari i Komisionit, Lupço Prenxhov, e ndërpreu atë.

 Foto: Arkivi i MIA-s