Deputet i ri në Kuvend do të jetë Remzi Memedi nga Aleanca për Shqiptarët
Shkup, 16 mars 2023 (MIA) - Remzi Memedi i Njësisë Zgjedhore 5 nga Kërçova nga Aleanca për Shqiptarët do të jetë deputeti i ri në Kuvend.
Memedi vjen në pozitën e bashkëpartiakut të tij Syria Rushiti, i cili u bë drejtor i MEPSO-s, pas hyrjes së Aleancës për Shqiptarët në koalicionin qeveritar.
Para fillimit të seancës së 106-të plenare, Kuvendi e konstatoi dorëheqjen e Rushitit. Seanca duhet të vazhdojë në orën 14, pas marrjes së raportit të Komisionit Shtetëror Zgjedhor për verifikimin e mandatit të deputetit të ri.
FOTO: Fejsbuk Remzi Memedi
