Kumanovë, 24 prill 2024 (MIA) - Kandidati për president nga Lëvizja ZNAM - Për Maqedoninë tonë, Maksim Dimitrievski sot votoi dhe qytetarëve u uroi suksese në zgjedhje dhe të fitojë demokracia në Maqedoni.

"Populli të guxojë, të dalë, sa më masivisht dhe t'i japë mbështetjen atij që mendon se e meriton. Dhe sigurisht që unë si kandidat do ta respektoj vullnetin e popullit, të të gjithë qytetarëve të Maqedonisë. Le të jetë dita e sotme festë e demokracisë në Maqedoni dhe në Ballkan", deklaroi Dimitrievski.

Sipas tij, votimi po zhvillohet pa ndërprerë me probleme teknike në disa vendvotime individuale.

Duke iu përgjigjur pyetjeve të gazetarëve se nga SPB Kumanovë informuan se ka grupe të organizuara që i çojnë qytetarët në vendvotimet, ai tha se nuk ka informacione.

"Praktika e deritanishme tregon se janë pikërisht anëtarët që i përkasin njërit, tjetrit apo bllokut të tretë, që abuzojnë me MPB-në për qëllime partiake-politike. Nëse ka një gjë të tillë, vërtet nuk e di. Në fund të fundit, nëse Kumanova është Maqedoni, atëherë mendoj se duhet t'i kushtohet vëmendje gjithë vendit. Askush nuk mund ta ndryshojë vullnetin e qytetarëve pavarësisht çfarë presioni bëjnë. Kjo është e qartë, në fund të ditës qytetarët votojnë vetë pas paravanit, sipas bindjes së tyre. Fakt është se praktika e deritanishme tregon shumë abuzime të procesit zgjedhor, veçanërisht ryshfet, mjete për detyrim. Kam informacione që edhe blloqet e mëdha politike kanë thirrur njerëz që më kanë dhënë mbështetje me shkrim me nënshkrim, emër dhe mbiemër, pyes veten se nga i kanë marrë të dhënat. Me ato të dhëna disponon vetëm SPB në librin amë të evidencës, sipas numrit amë. Por kjo nuk është hera e parë, kështu ka qenë edhe për zgjedhjet lokale dhe sërish nuk kanë arritur të ndryshojnë asgjë", tha Dimitrievski. ls/

Foto: MIA