Daçiqi kërkon sqarim nga autoritetet e Maqedonisë së Veriut për arratisjen e ish pjesëtarit të UÇK-së Ramadani
- - Ministri serb i Punëve të Jashtme, Ivica Daçiq kërkoi sqarim nga autoritetet e Maqedonisë së Veriut për arratisjen e ish pjesëtarit të Ushtrisë Çlirimtare të Kosovës (UÇK) Blerim Ramadani nga arresti shtëpiak, duke theksuar se arratisja e tij është skandaloze.
- Post By Fitore Curri
- 16:35, 15 gusht, 2024
![Daçiqi kërkon sqarim nga autoritetet e Maqedonisë së Veriut për arratisjen e ish pjesëtarit të UÇK-së Ramadani](https://new.mia.mk/images/20240815163529_big_730x400_53.webp )
Beograd, 15 gusht 2024 (MIA) - Ministri serb i Punëve të Jashtme, Ivica Daçiq kërkoi sqarim nga autoritetet e Maqedonisë së Veriut për arratisjen e ish pjesëtarit të Ushtrisë Çlirimtare të Kosovës (UÇK) Blerim Ramadani nga arresti shtëpiak, duke theksuar se arratisja e tij është skandaloze.
"Bëhet fjalë për një pjesëtar të UÇK-së terroriste që ka kryer krime kundër serbëve në Kosovë, të cilin Serbia e kërkon me urdhër për ta sjellë para gjykatës. Ne kërkojmë shpjegim nga autoritetet shtetërore të Maqedonisë së Veriut se si është e mundur që dikush që është arrestuar me fletarrest ndërkombëtar të vlefshëm të arratiset nga arresti shtëpiak. Ose drejtësia ndërkombëtare nuk vlen për terroristët shqiptarë dhe kriminelët e luftës, kur ata vrasin serbët, gjithçka lejohet dhe falet", tha Daçiqi.
Paraprakisht, MPB e Maqedonisë së Veriut konfirmoi se ish pjesëtari i UÇK-së, Blerim Ramadani nga Kosova, i cili muajin e kaluar ishte arrestuar në kufirin Kosovë - Maqedoni e Veriut në bazë të një urdhërarresti nga Interpoli të dhënë me kërkesë të Serbisë, ka ikur nga arresti shtëpiak nga shtëpia e familjarëve në vend.
"Nga ana e organit kompetent gjyqësor është dorëzuar dokumentacion në Ministrinë e Punëve të Brendshme për shpallejn e fletarrestit qendror për personin B.R. pasi aktualisht është i pakapshëm për forcat e rendit. MPB po ndërmerr masa për gjetjen e personit", konfirmuan nga MPB për MIA-n. fc/
Фото: МИА архива