Shkup, 13 shkurt 2023 (MIA) - Drejtoria për të Ardhura Publike  (DAP) informon se dje dhe sot një dërgues i panjohur, duke përdorur logon e saj, përmes mesazheve SMSk ka tentuar t'i shtyjë qytetarët që të ndajnë të dhënat personale nga kartelat debitore dhe kreditore.  

 Mesazhet dërgohen nga numri i telefonit +389 79 212 628 me këtë përmbajtje: “Plotësoni formularin e detyrueshëm të DAP-it  https://ujp.mk/verifikacija. 

 "Ky link është i rremë dhe nuk çon në adresën elektronike të Drejtorisë për të Ardhura Publike",  bëri të ditur DAP-i dhe bën apel që të mos hapen mesazhe të tilla SMS dhe të mos hapet linku.

Nëse dikush ka hapur linkun e dërguar në mesazh, DAP-i bën thirrje të mos i plotësojë fushat në të cilat kërkohen të dhëna personale nga qytetarët, sepse mund të keqpërdoren.

 “Drejtoria për të Ardhura Publike po ndërmerr të gjitha aktivitetet e nevojshme për t'u përballur me situatën konkrete”, theksohet në kumtesë.  ar/