Shkup, 10 dhjetor 2023 (MIA) - Shkelja e të drejtës për gjykim brenda një afati të arsyeshëm çon në shkelje të të drejtave të njeriut, por ka edhe një sërë të tjerash që dalin nga Konventa për Mbrojtjen e të Drejtave të Njeriut, konsideron Aleksandra Cvetanovska, kryetare e Shoqatës së Juristëve të Rinj të Maqedonisë.

Ajo vlerëson se gjendja me të drejtat e njeriut në aspektin e mbrojtjes së tyre, si në botë ashtu edhe në Maqedoni, është shqetësuese.

"Në vendin tonë absolutisht kryeson cenimi i të drejtës për gjykim brenda një afati të arsyeshëm, si dhe një sërë të drejtash të tjera... Kemi shkelje të të drejtave të njeriut dhe kjo është vënë re në disa raporte. Për këtë flasin aktgjykimet e marra në Maqedoni për shkeljen e Konventës për mbrojtjen e të drejtave të njeriut nga Gjykata Evropiane për të Drejtat e Njeriut. Kemi shkelje në segmente të shumta në zona. Po ashtu, ka mosbesim në institucionet për mbrojtjen që duhet ta kenë qytetarët", tha Cvetanovska në një deklaratë për media me rastin e Ditës Ndërkombëtare të të Drejtave të Njeriut - 10 Dhjetor.

Ajo pret që institucionet të investojnë në mbrojtje më të madhe të të drejtave të njeriut dhe që, siç tha ajo, t'i gëzojnë të gjithë dhe në çdo kohë. sa/

Foto: MIA