Shkup, 3 nëntor 2023 (MIA) - Kompanitë e mesme dhe të vogla, si dhe qytetarët nga kategoritë e ndjeshme përmes bankave komerciale do të kenë qasje drejt kredive me komponentin e grantit, me çka do të mund të investojnë në pompa ngrohëse, inverterë, pajiske klimatike, kazanë, kolektorë diellor për ujë të ngrohtë, fotovoltaikë,... Për lehtësim të procesit dhe sigurimit se mjetet do t'i shfrytëzojnë në mënyrë të drejtë, do të kenë në dispozicion edhe ndihmë teknike pa pagesë. Kjo është paraparë me projektin "Instrumenti i gjelbër financiar për përmirësim të cilësisë së ajrit dhe luftës me ndryshimet klimatike në Maqedoni të Veriut". 

"Instrumenti Financiar i Gjelbër", fillon sot dhe do të zbatohet deri në prill të vitit 2026, ka në dispozicion 46 milionë euro që do të vendosen përmes bankave komerciale, të cilat synohen dhe do të mund të përdorin ndërmarrjet të vogla dhe të mesme dhe qytetarët nga kategoritë e rrezikuara.

"Praktikisht, kompanitë e vogla dhe të mesme dhe qytetarët, me fokus kategoritë e përfshira jomjaftueshëm, do të mund të kenë qasje nëpërmjet bankave komerciale në kredi me një komponent granti me të cilin mund të investojnë në pompa termike, inverterë, kondicionerë, kaldaja, kolektorë diellorë për ujë të ngrohtë, fotovoltaikë, ndër produkte të tjera. Përveç kësaj, për të lehtësuar procesin dhe për të siguruar përdorimin e duhur të fondeve, do t'u ofrohet asistencë teknike falas. Këto 46 milionë euro financohen nga Fondi i Përbashkët Global për Objektivat e Zhvillimit të Qëndrueshëm ose Joint SDG fund, Banka Evropiane për Rindërtim dhe Zhvillim, bankat komerciale dhe Qeveria e Republikës së Maqedonisë së Veriut", tha Bytyqi.

Pritet që vlera mesatare e kredive të jetë rreth 11 600 dollarë, por plotësisht, më saktësisht do të kumtohen kriteret me të gjitha hollësitë se si mund të aplikohet dhe cilat janë elementet teknike.

Siç sqaroi në fjalimin e tij zëvendëskryeministri Bytyqi, ky është një mekanizëm financiar përmes të cilit i gjithë ekosistemi i bankave, shitësve të produkteve dhe ofruesve të shërbimeve dhe Qeveria stimulohen të punojnë së bashku me aktorë të ndryshëm për të ofruar mbështetjen e nevojshme financiare dhe teknike që do të përshpejtojë tranzicionin drejt zgjidhjeve inovative për burimet e rinovueshme të energjisë dhe efikasitetit të energjisë.

"Duke pasur parasysh se të gjitha vendet po përballen me kriza globale, si rimëkëmbja ekonomike pas Covid-it, kriza energjetike dhe ekonomike, besoj se ky projekt me produktet e tij synon ndërmarrjet e vogla dhe të mesme dhe qytetarët nga kategoritë e pamjaftueshme të mbuluara, është një mundësi e shkëlqyer për të shprehur angazhimin tonë të fortë për përshpejtimin e zbatimit të Agjendës 2030 dhe arritjen e Objektivave të Zhvillimit të Qëndrueshëm. Është veçanërisht e rëndësishme që përmes realizimit të këtij projekti, sektori privat dhe qytetarët të marrin pjesë aktive në luftën kundër ndotjes dhe ndryshimeve klimatike", tha Bytyqi.

Sipas tij, "Instrumenti Financiar i Gjelbër" do të çelë një rrjedhje private të kapitalit nga institucionet financiare, ndërmarrjet e vogla dhe të mesme, pra sektori i biznesit dhe do të ndihmojë edhe familjet, me fokus kategoritë e rrezikuara të qytetarëve.

Në fjalimin e tij, zëvendëskryeministri Bytyqi iu referua edhe synimeve që duhet të arrihen përmes këtij projekti, të cilat bazohen në Dokumentet Strategjike Kombëtare, si Strategjia e Zhvillimit të Energjisë dhe “Kontributi nacional në ndryshimet klimatike” i rishikuar, por në të njëjtën kohë edhe me marrëveshjen evropiane të gjelbër, dhe kjo është veçanërisht e rëndësishme në fillimin e procesit të shqyrtimit të kapitujve në procesin e anëtarësimit në Bashkimin Evropian.

Projekti "Instrumenti Financiar i Gjelbër për përmirësimin e cilësisë së ajrit dhe luftës me ndryshimet klimatike në Maqedoni të Veriut" e implementojnë Programi për zhvillim i Kombeve të Bashkuara (UNDP), Agjencia ndërkombëtare për emigracion (IOM) dhe Komisioni ekonomik për Evropë dhe Kombe të bashkuara (UNECE) dhe BERZH-i. ab/

Foto: МIА dhe Qeveria e RMV-së