Shkup, 25 nëntor 2022 Nënkryetari Bytyqi sot ka mbajtur fjalim në tribunën e organizuar në Zhelinë, pjesë e karvanit “Të fortë dhe me vendosmëri. Nënkryetari Bytyqi në fillim të forumit, iu referua krizës që po kalojmë dhe si ta përballojmë atë. “Është një periudhë e vështirë, të gjithë i ndjejmë pasojat e krizës, por jemi bashkë, LSDM është këtu për ju. Vetëm së bashku mund t'ia dalim dhe do t'ia dalim, të jeni të sigurt për këtë. Dhe këtë ndërkohë që jemi të palëkundur në rrugën drejt Bashkimit Evropian. Nënkryetari foli edhe për ngritjen e standardit jetësor të qytetarëve, që është jashtëzakonisht e rëndësishme në këtë krizë. “Ndërkohë jemi duke punuar në ngritjen e standardit, prandaj e kemi rritur pagën minimale në 18.000 denarë. E cila në muajin mars do të ketë një rritje të re, e cila do të pasojë rritjen e standardit dhe çmimeve të jetesës. Dhe për këtë ishte lufta, për një jetë më të mirë për të gjithë. Kemi vazhduar ta rrisim pagën mesatare edhe në kushte krize, në shtator ajo ishte 31.812 denarë”. Në fund të fjalës së tij, nënkryetari Bytyqi iu referua konceptit të një shoqërie për të gjithë, të cilin LSDM-ja si parti e qytetarëve po e ndërton dhe po e përmirëson. “LSDM është e fortë për shkak të diversitetit dhe për shkak të besimit në një shoqëri për të gjithë”, theksoi Bytyqi. LSDM – Qendra për komunikim me opinionin