Shkup, 5 dhjetor 2025 (MIA) - Komisioni Rregullator i Energjetikës (KRRE) tashmë ka filluar ndryshimin e licencave të centraleve fotovoltaike që kanë instaluar bateri, por gjatë dimrit nuk mund të presim të kemi tepricë të energjisë elektrike, sepse atëherë rritet konsumi, veçanërisht tek amvisëritë, sepse një pjesë e madhe e tyre ngrohen me energji elektrike, tha sot kryetari i KRRE-së, Marko Bislimoski.

"Që nga nëntori kemi edhe 210 megavat shtesë nga burimet e rinovueshme të energjisë, nga të cilat 44 megavat janë nga një central elektrik me erë në Demir Kapi i cili është në funksion testues dhe prodhon energji elektrike, ndërsa pjesa tjetër janë fotovoltaike. Në vitin 2026, pres që prodhimi vendas i energjisë elektrike nga burimet e rinovueshme të rritet, por ende duhet të presim të dhënat për vitin 2025 dhe 2026", ka thënë Bislimoski në përgjigjen e pyetjes së gazetarëve në konferencën e sotme për shtyp.

Megjithatë, shtoi ai, fakt është se gjithnjë e më shumë investime po bëhen në burimet e rinovueshme të energjisë dhe në katër vitet e fundit kemi pasur rreth 1.200 megavat kapacitete të reja.

"Kjo ka rritur kapacitetin e instaluar për prodhimin e energjisë elektrike me 36 për qind dhe sipas të dhënave për vitin 2024, për herë të parë në Maqedoni, 55 për qind e kapacitetit të instaluar është nga BRE dhe 45 për qind është nga termocentralet dhe termocentrali me gaz në Shkup. Në vitin 2025, përqindja e kapaciteteve të instaluara me siguri do të jetë më e lartë se 55 për qind", ka thënë Bislimoski.