Berlin, 28 prill 2023 (MIA) - Kai Vegner, 50 vjeç, një ish-shitës i polisave të sigurimit, u betua si kryetar bashkie pas një votimi në parlamentin lokal, duke e trashëguar Franciska Gifi të SPD-së, e cila ishte kryetarja e parë femër e bashkisë së Berlinit.

CDU e Vegner fitoi një fitore bindëse në zgjedhjet e shkurtit, të cilat u mbajtën pasi një gjykatë vendosi se zgjedhjet e vitit 2021 të ishin të pavlefshme. Ai fitoi 28 për qind të votave, dhjetë për qind më shumë se në vitin 2021 dhe 10 për qind më shumë se SPD, ndërsa sondazhet tregojnë se besimi në qeverisjen e qytetit nga SPD ka rënë.

Vegner ra dakord të qeveriste qytetin në një koalicion të madh me SPD-në pavarësisht dyshimeve nga krahu i majtë i partisë. Vetëm 54 përqind e bazës së SPD-së votuan për koalicionin.

SPD ka qeverisur më parë me kryeqytetin gjerman në koalicion me të Gjelbrit dhe të majtën ekstreme Die Linke.

Fushata e Vegner u bazua, ndër masat e tjera, në përmirësimin e sigurisë dhe modernizimin e infrastrukturës administrative të Berlinit. sa/

foto: DPA