Shkup, 27 shkurt 2024 (MIA) - Ministria e Ekonomisë nuk do ta vazhdojë masën e çmimeve të garantuara e cila përfundon në fund të muajit, por, siç njoftoi ministri kompetent Kreshnik Bekteshi, do ta presë miratimin e ligjit për ndalesën e praktikave të padrejta tregtare me të cilin, sipas tij, do të vihet rregull në konkurrencën jolojale të tregtisë dhe do të sjellë në uljen e çmimeve të prodhimeve ushqimore.

"Presim që kjo zgjidhje ligjore, e cila tërësisht është harmonizuar me rregulloren evropiane dhe me flamur evropian, të miratohet sa më shpejtë të jetë e mundur. Me ligjin presim të ulen çmimet e prodhimeve bujqësore dhe ushqimore", deklaroi Bekteshi për MIA-n.

Ligji për ndalimin e praktikave të padrejta tregtare në zinxhirin e furnizimit të produkteve bujqësore dhe ushqimore, siç tha ai, qysh në dhjetor të vitit 2023, me propozim të Ministrisë së Ekonomisë, është miratuar nga Qeveria dhe është dorëzuar në Kuvend.

"Zgjidhja ligjore që vendos rend në konkurrencën jolojale në tregti dhe fut praktika të drejta ndërmjet tregtarëve dhe furnitorëve në zinxhirin e produkteve bujqësore dhe ushqimore pritet të hyjë në lexim të dytë në komisionet në Kuvend këtë javë", theksoi Bekteshi.

Vitin e kaluar, më 20 shtator, Ministria e Ekonomisë miratoi Vendim për ndryshimin e vendimit për kushtet e veçanta për tregtimin e mallrave individuale, përcaktimin e çmimeve më të larta të produkteve individuale në tregtinë me pakicë, si dhe detyrimin e tregtarëve për të blerë dhe shitur lloje dhe sasi të caktuara mallrash individuale tek konsumatorët sipas një porosie të caktuar që është publikuar në Gazetën Zyrtare dhe është e vlefshme deri më 29 shkurt të këtij viti.

Vendimi i referohet: orizit të bardhë, në paketim nga 900 g deri në 1 kg; miell gruri tip 400 dhe tip 500; bukë e bardhë dhe gjysëm e bardhë, bukë e tipit industrial 450 g (e plotë dhe e prerë), me përjashtim të bukës së sapopjekur në markete; produkte të tjera buke; Biskota "Petit Beurre" dhe biskota të thjeshta dhe pa yndyrë nga 300 deri në 500 g; napolitanka, me mbushje kremi kakao (të thjeshta, të palyera) nga 300 deri në 500 g; makarona (makarona dhe shpageta nga gruri i fortë të thjeshta) pa dhe me vezë 500 g; mish viçi pa kocka, kofshë ose pjesë tjetër; mish derri pa kocka, kofshë ose pjesë tjetër; mish derri dhe viçi i grirë; pulë e freskët ose e ngrirë (e tërë); stek pule i freskët ose i ngrirë; suxhuk i tymosur (viçi, derri dhe i lopës) pa aditivë dhe pa paketim në feta; sallamë speciale e pulës (pa pako me feta); pashtetë mëlçie dhe pule (pa aditivë) në paketim 95 dhe 100 g; qumësht i qëndrueshëm i lopës (përveç qumështit organik dhe qumështit me aditivë) me përmbajtje yndyre 2,8%, 3,2% dhe 3,5%, në paketim 1 l; kos i thjeshtë i qumështit të lopës (pa aditivë) me përmbajtje yndyre nga 2,8% deri në 3,2%, në paketime 1 l dhe 1,5 l; kos i lopës (zakonisht, pa aditivë) me përmbajtje yndyre 2,8% dhe 3,2%, në një paketë prej 300 deri në 500 g; ajkë nga qumështi i lopës me përmbajtje yndyre prej 12% deri në 20%, në një paketë prej 180 ose 200 g; djathë i bardhë tradicional i lopës dhe djathë i bardhë i përzier (pa aditivë); kaçkavall tradicional i lopës dhe i përzier (pa aditivë) dhe vezë të freskëta pule.

Po ashtu, ka miratuar vendim për ndryshimin e vendimit për përcaktimin e çmimeve më të larta për produkte individuale në tregtinë me shumicë dhe pakicë, i cili po ashtu vlen deri më 29 shkurt të këtij viti dhe i referohet: birrës së lehtë në ambalazh 1.5 l në shishe. ; pijeve (lëngje) të gazuara në paketim mbi 1 l në shishe; pije (lëngje) jo të gazuara në ambalazh kartoni dhe ujë burimi natyral mineral, të gazuar dhe jo të gazuar në paketim mbi 1 l në shishe.

Ministria e Ekonomisë ka marrë edhe një vendim për uljen e detyrimeve të importit për importin e perimeve të freskëta që vlen deri më 28 shkurt të këtij viti, sipas të cilit tarifa e aplikueshme është 10 për qind për qepët, preshin, lulelakrën dhe brokolin, marulën, karrotat, patëllxhanin dhe kungulleshat, si dhe një vendim për uljen e detyrimeve të importit për importin e domateve të freskëta, trangujve dhe specave, i cili gjithashtu vlen deri më 28 shkurt të këtij viti dhe për të cilin tarifa e aplikueshme është 10 për qind. Me vendet e CEFTA-s, megjithatë, taksa doganore është 0 për qind. sa/

Foto: Arkivi i MIA-s