BDI dënon dhunën ndaj foshnjes tremuajshe për motive etnike, kërkon të dorëhiqen ministri dhe drejtori
- Shkup, 13 korrik 2024
![BDI dënon dhunën ndaj foshnjes tremuajshe për motive etnike, kërkon të dorëhiqen ministri dhe drejtori](https://new.mia.mk/images/20240713125608_big_730x400_37.webp )
Shkup, 13 korrik 2024
BDI dënon dhunën skandaloze ndaj foshnjes 3 muajshe nga motive etnike, të dorëhiqen menjëherë Ministri dhe Drejtori
Dhuna e konstatuar fizike skandaloze ndaj një foshnje shqiptare 3 muajshe për motive etnike nga personeli mjekësor në Klinikën e Fëmijëve është e papranueshme, jonjerëzore dhe vjen si pasojë e impotencës politike të humbësve të zgjedhjeve që po poshtërsojnë shqiptarët çdo ditë e më tepër.
Bashkimi Demokratik për Integrim kërkon hetim të menjëhershëm dhe përgjegjësi ligjore për shkaktuesit e dhunës dhe përgjegjësi të bartësve të funksioneve pa legjimitetin etnik në ministrinë e shëndetësisë dhe në klinikën për fëmijë.
Pamjet e djeshme të një foshnje përplot me shenja dhune tmerruan opinionin publik dhe dorëheqja dhe përgjegjësia nuk duhet të vonojë as një orë të vetme.
Mungesa e legjitimitetit etnik në qeverinë monoetnike dhe dëshira e verbër për pushtet duke i poshtërsuar shqiptarët i ka dhënë hov antishqiptarizmit institucional dhe shtetëror në përmasa alarmante.
____________________________________________________________________________________________________________________
MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.