Shkup, 7 dhjetor 2023 (MIA) - Ministri i Punëve të Brendshme, Oliver Spasovski sot deklaroi se akoma zgjatë marrja në pyetje e avokatit Vasko Stojkov, me të cilin Ljuppo Palevski, i dyshuari i parë për vrasjen e Vanja Gjorçevskës dhe Pançe Zhezhovskit, shkoi në Beograd.

"Avokati është marrë në paraburgim i cili ende po zgjatë në kuadër të mbajtjes 24-orëshe dhe kur të përfundojë, shërbimet do të vendosin çka më tutje", tha Spasovski në Ohër.

Lidhur me shoferin i cili e dërgoi Palevskin në Turqi dhe i cili u arrestua në hyrje të vendit në vendkalimin kufitar afër Dojranit, Spasovski tha se do të parashtrohet padi penale.

"Në pajtim me atë që e kemi konstatuar, shërbimet më informuan se do të parashtrohet padi penale", deklaroi Spasovski, duke u përjgigjur në pyetje të gazetarëve pas vizitës në SPB-Ohër. ab/

Foto: printskrin