16 dhjetor 2024

Koalicioni jolegjitim VLEN dhe kryetari i Kuvendit Afrim Gashi u bashkuan me të Majtën kundër kryetares së Komisionit për Politikë Sociale, Demografi dhe Rini, Ilire Dauti, për të zhbllokuar ligjin për “branitellat”.

Kryetari i Kuvendit Gashi procedoi interpelancën e ngritur nga deputetët e së majtës ndaj Ilire Dautit, që do të thotë se me shkarkimin e saj do të zgjidhet një kryetar tjetër, i cili mund të mos jetë nga radhët tona dhe më pas do të vendosë ligjin për “ mbrojtësit" në rendin e ditës. dhe e njëjta të procedohet më tej deri në votim përfundimtar. VMRO, LSDM dhe e majta kanë vota të mjaftueshme dhe nuk ka asnjë mekanizëm tjetër bllokues.

Kryetari i Kuvendit Gashi e përgatiti interpelancën që e ngritën deputetët e së Majtës kundër Ilire Dautit, që do të thotë se me shkarkimin e saj do të zgjidhet një kryetar tjetër, i cili mund të mos jetë nga radhët tona dhe më pas në rend dite do të vendosë ligjin për "branitellat" dhe i njëjti të përpunohet më tej deri në votimin përfundimtar. VMRO, LSDM dhe e Majta kanë vota të mjaftueshme dhe nuk ka mekanizëm tjetër për bllokim.

I bëjmë thirrje Afrim Gashit që menjëherë të tërhiqet nga ky aksion skandaloz, i cili nuk ka të bëjë as me pozitën e kryetares së komisionit dhe as me deputeten Ilire Dauti, por me betejën e saj për barazinë e qytetarëve. I kujtojmë Gashit se kjo është një betejë që deputetja Ilire Dauti së bashku me kolegët e saj e zhvilloi që në kohën kur ajo po luftonte për sigurimin e shtetësisë për shqiptarët, kur pjesë e koalicionit ishte edhe Afrim Gashi. Por sot, kur deputetja Dauti e vazhdon betejën për barazinë e shqiptarëve, Gashi zgjodhi t'u bashkohet atyre që atëherë dhe sot po luftojnë kundër Ilire Dautit dhe të drejtave të shqiptarëve në Maqedoninë e Veriut.

Afrim Gashi të ndjekë shembullin e deputetes Ilire Dauti dhe si ajo nuk e vendosi në rend dite ligjin për "branitellat", ashtu edhe ai të mos e vendosë në rend dite interpelacionin ndaj saj. Ndryshe, kjo do të ishte një goditje e rëndë për shqiptarët, këtë herë me nënshkrim dhe vulë të një deputeti dhe kryetar të Kuvendit, shqiptar.

Aleanca për Shqiptarët

_____________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.