Shkup, 28 maj 2024 (MIA) - Dyfish është rritur numri i rasteve emergjente që marrin ndihmë mjekësore në Klinikën Universitare për Sëmundje Kirurgjike "Shën. Naum i Ohrit" në Shkup. Drejtori i Klinikës, Luben Arsenkov, në një prononcim për mediat sot tha se për shkak të situatës me sallat e mbyllura të kirurgjisë në Qendrën Klinike "Nëna Tereza" janë pranuar rreth 170 pacientë urgjentë, prej të cilëve 150 janë trajtuar në mënyrë kirurgjikale.

"Mesatarisht në bazë ditore rreth 250 pacientë ekzaminohen vetëm në Ambulantën emergjente dhe duke marrë parasysh që në ambulantat e specializuara janë rreth 100 deri në 150 pacientë në ditë, që do të thotë një numër prej rreth 400 pacientësh në ditë që gravitojnë drejt Klinikës gjatë kësaj periudhe. Për shkak të situatës së Qendrës Klinike, ne jemi organizuar në atë mënyrë që të mos pranojmë pacientë kronikë për kirurgji dhe të operojmë vetëm rastet urgjente. Kështu që në këto dhjetë ditë janë pranuar rreth 170 pacientë të urgjencës, prej të cilëve 150 iu nënshtruan ndërhyrjeve kirurgjikale. Është rritur numri dhe ngarkesa e personelit. Tani për tani jemi duke u organizuar dhe shpresoj se do të vazhdojë pa pasoja të mëdha nga trajtimi. Personeli u përgjigjet nevojave, vijnë nga shtëpia, punojnë më shumë turne", thotë Arsenkov.

Ai shton se gjatë kësaj periudhe ekipet kirurgjikale janë forcuar dhe çdo ditë ka nga dy kirurgë abdominal, traumatologë dhe një neurokirurg sepse në këtë klinikë referohen pacientë neurokirurgjikë. Ai thotë se kanë mjaft kirurgë, ndoshta ajo që duhet menduar është instrumentet dhe personeli tjetër ndihmës nga Klinika të shpërndahet në Spitalin Ushtarak dhe në Klinikën "Shën. Naum i Ohrit".

Për plotësimin e kapaciteteve, Arsenkov thotë se pothuajse i gjithë kapaciteti i spitalit është i mbushur dhe se janë në komunikim të vazhdueshëm me Spitalin e Përgjithshëm të Qytetit "8 Shtatori" në mënyrë që pacientët të marrin kujdesin e nevojshëm.

"Çdo ditë takimi i mëngjesit fillon me sa shtretër të zbrazët ka.   Çdo ditë, 100 shtretër në seksionin spitalor dhe rreth 16 në kujdes intensiv, nga pesë deri në 10 shtretër janë të lira, pothuajse i gjithë kapaciteti i spitalit është i mbushur. I lëshojmë pacientët që mund t'i lirojmë më herët dhe ata pacientë që do të qëndronin disa ditë më gjatë pas ndërhyrjes kirurgjikale në varësi të situatës së tyre, i caktojmë për kontrolle për të liruar shtretërit për pacientët e mundshëm emergjent. Vërtet nuk e di deri kur do të jetë kështu, por po organizohemi edhe me kolegë nga Qendra Klinike dhe "8 Shtatori". Ne dëgjohemi me kolegët tanë para se të na referojnë pacientin që ka ardhur tek ata nëse nuk ka vend ose nuk ka specialist që ajo patologji të na referohet. Për kënaqësinë time të madhe, funksionon edhe me kirurgjinë digjestive. Tani për tani mendoj se kirurgjia po funksionon. Fatkeqësisht, kjo që po ndodh atje nuk do ta dija sa do të zgjaste dhe me siguri nëse vazhdon do të plotësohen kapacitetet dhe ndoshta do të mendohet për aktivizimin e disa qendrave nga brendia në mënyrë që këto raste, që zakonisht i dërgojnë këtu, të trajtohen në institucionet kryesore kirurgjikale", tha Arsenkov.

Sallat e operacioneve në Kompleksin klinik "Nëna Terezë" kanë dhjetë ditë që nuk punojnë. Ministri i Shëndetësisë Ilir Demiri ka deklaruar dje në një konferencë për media se problemi është një dëmtim në stacionin e kompresorit, për të cilin priten analizat nga Gjermania. sa/

Foto: MIA