Shkup, 12 janar 2024 (MIA) - Ankand elektronik, ku kushti për marrjen e tenderit për zgjedhje të furnizuesit të ri universal me energji elektrike është të ofrohet marzhi i fitimit më i vogël se 11,5 për qind, sa është marzhi i furnizuesit të deritanishëm universal "EVN Houm", do të mbahet sot në Shkup.

Për thirrjen, krahas furnizuesit aktual universal, interes ka paraqitur edhe kompania greke EDS - "Enerxhi deliveri solushëns", e cila është ndërmarrje vajzë e Elektroekonomisë greke PPC.

Furnizuesit universal "EVN Houm" më 30 qershor i skadon marrëveshja pesëvjeçare për furnizimin me energji elektrike të konsumatorëve në tregun e rregulluar. Për këtë shkak, Qeveria më 11 dhjetor të vitit 2023 shpalli thirrje publike për zgjedhje të furnizuesit universal, që duhet gjatë pesë viteve të ardhshme, duke filluar nga 1 korriku i vitit 2024, t'i furnizojë me energji elektrike konsumatorët në tregun e rregullt. bsh/

Foto: MIA arkiv