Shkup, 4 korrik 2024 (MIA) - Qytetarët kanë arkëtuar 443 milionë denarë (mbi 7,2 milionë euro) nga sigurimet e jetës në pesë muajt e parë të vitit, tregojnë të dhënat zyrtare të dorëzuara nga gjashtë kompanitë e sigurimeve të jetës në Agjencinë e Mbikëqyrjes të Sigurimeve (AMS). Në këtë periudhë pesë mujore, mbi 2.500 qytetarë kanë marrë kompensim për dëmet që janë mbuluar me policat e sigurimit të jetës të lëshuara nga pesë kompani të sigurimit të jetës.

"Shumica e fondeve në këtë periudhë janë paguar për policat e sigurimit të jetës me komponent kursimi. Ky është produkti më i vjetër i sigurimit të jetës që shitet në tregun tonë të sigurimeve prej 20 vitesh. Karakteristika kryesore e tij është se përveç sigurimit të jetës, ofron edhe kursime në fondet e investuara. Ky produkt i mundëson të siguruarit të marrë fondet e investuara të rritura me interes për periudhën e caktuar pas skadimit të kontratës së sigurimit", sqarojnë nga AMS-ja.

Në pesë muajt e parë të këtij viti nga kompanitë e sigurimeve kanë arkëtuar 366 milionë denarë (5,95 milionë euro).

"Në pjesën më të madhe, në pesë muajt e parë, paratë u janë paguar policëmbajtësve të cilëve u përfundonte kontrata e sigurimit dhe ata tërhoqën fondet e investuara, plus interesat"theksojnë nga AMS-ja. 

Në vend të dytë sipas sasisë së fondeve të paguara në pesë muajt e parë, renditet sigurimi me komponent investues, i cili në popull njihet me emrin sigurimi “junit linkd”.

Ky produkt sigurimi u mundëson qytetarëve, së bashku me sigurimin e jetës, të investojnë një pjesë të madhe të fondeve të paguara në aksione të fondeve investuese. Për shkak të faktit se çmimet e aksioneve të fondeve investuese varen nga tregjet botërore të aksioneve, ato janë subjekt i ndryshimeve. Është kjo karakteristikë që krijon mundësinë e kthimeve të denja dhe madje solide nga investimet, por sjell edhe rrezik kur çmimet në bursë bien. Është e rëndësishme të dini se duke investuar në këtë produkt sigurimi, rreziku i investimit përballohet nga i siguruari", thonë nga AMS-ja. 

Për të ofruar informacion më të mirë dhe mbrojtje më të madhe për mbajtësit e policave, AMS-ja miratoi një rregullore që përcaktoi sasinë e informacionit që mbajtësit e policave duhet të marrin nga shitësit e sigurimeve përpara se të vendosin të blejnë sigurimin "junit linkd"."

"Pjesën më të vogël në fondet e disbursuara në këtë periudhë e ka sigurimi pa komponent kursimi, i cili në popull njihet si sigurimi i riskut. Me këtë produkt, i siguruari siguron jetën e tij dhe nëse vdekja ndodh gjatë periudhës së sigurimit, kompania ua paguan shumën e siguruar anëtarëve të familjes së tij ose mbajtësve të së drejtës së dëmshpërblimit, të cilën i siguruari e ka deklaruar në policën e tij. Për shkak të vdekjes së personave të siguruar gjatë kësaj periudhe, kompanitë e sigurimit të jetës kanë arkëtuar 37,7 milionë denarë (613.000 euro) për familjet e tyre ose personat që kanë qenë bartës të së drejtës për sigurimin", theksojnë nga AMS-ja. qa

Foto: AMS