Shtip, 29 korrik 2024 (MIA) - “Sindikata e zëshme” së fundi ka regjistruar shkelje të të drejtave të punëtorëve në Shtip, Manastir, Shën Nikollë dhe Makedonska Kamenicë. Kristina Ampeva, kryetare e “Sindikatës së zëshme”, në konferencën e sotme për shtyp tha se disa punëdhënës nuk e respektojnë Ligjin për të dielën si ditë jopune.

"Në Makedonska Kamenicë kemi një rast që punëtorët punojnë 3 herë në javë nga 11 orë, zakonisht tetë orë, por pretendohet se punojnë vetëm dy orë në ditë, pra 10 orë në javë, gjë që nuk është e vërtetë. Për këtë është dërguar sot një inspektim. Në Manastir, një punëdhënës ka vendosur që të ketë punëtorë të padeklaruar dhe t'i mbajë të mbyllur për të punuar jashtë orarit, për çka tashmë po reagohet dhe po bëhen kontrolle", thotë Ampeva.

Ajo ka theksuar se kanë marrë reagim edhe nga punëtorët në Shëni Nikollë. Në këtë kompani punëtorët janë transferuar nga koha e pacaktuar në të caktuar në një kompani tjetër simotër, porositi Lidhja e Sindikatave të Maqedonisë, sepse punëtorët në këtë ndërmarrje paguajnë anëtarësim në LSM dhe për të mbrojtur punëtorët.

Në periudhën e kaluar në një fabrikë në zonën ZZHI në Shtip, ka pasur reagim nga punëtorët se punëdhënësi e ka rritur ditën e punës në 10 orë.

Sipas saj, shqetësuese është edhe nisma për kthimin e zgjidhjes së vjetër ligjore që punëtorët të punojnë të dielave. sa/

Foto: MIA