Shkup, 15 dhjetor 2025 (MIA) - SHBA-ja dhe Maqedonia e Veriut janë të bashkuara në shumë gjëra, përfshirë edhe bindjen tonë të ndarë se transparenca e institucioneve dhe ekonomitë e fuqishme janë baza e demokracisë së suksesshme, prosperitetit të qëndrueshëm dhe komuniteteve të sigurta. Dëshiroj ta përshëndes bashkëpunimin mes SHBA-së dhe Maqedonisë së Veriut në përforcim të institucioneve, promovim të bashkëpunimit ekonomik, dhe reflektim të rezultateve për qytetarët, porositi ambasadorja amerikane në vend, Anxhela Ageler në ngjarjen e sotme të organizuar nga Ministria e Financave "Përforcimi i kapaciteteve institucionale: Shënimi i bashkëpunimit mes SHBA-së dhe Maqedonisë së Veriut", ku u prezantua bashkëpunimi i deritanishëm dhe i ardhshëm mes Ministrisë së Financave dhe Thesarit të SHBA-së.

"Ky program i posaçëm mes Thesarit të SHBA-së dhe Qeverisë së Maqedonisë së Veriut, më konkretisht Ministrisë së Financave, filloi në vitin 2022, por bashkëpunimi filloi shumë më herët. Sot ky program u bë i dyti për nga madhësia i Ministrisë amerikane të Financave në botë. Përpjekjet janë kahëzuar në pesë sfera kritike: Drejtoria për të ardhura publike, financimi i infrastrukturës, shërbimet bankare dhe financiare, përgjegjësia buxhetore dhe lufta kundër krimit të organizuar", theksoi Ageler.

Ageler theksoi se suksesi i këtij partneriteti është dëshmia për angazhimet tona të ndara dhe mjedis i hapur për bashkëpunim i nxitur nga Ministria e Financave.

"Ministre, programi ngadalësoi pak në disa vitet e fundit, siç ne e vlerësojmë nga të dyja palët e Atlantikut ndikimi dhe potenciali i vërtetë i këtij partneriteti. Dëshiroj personalisht t'Ju falënderoj për angazhimin tuaj të paluhatshëm dhe mbështetjen për vazhdimin e tij. Për shkak jush, ne ndërtojmë institucione më të fuqishme, menaxhment më efikas fiskal dhe krijim të rregullave më të qarta dhe më të drejta të cilat u japin besim bizneseve dhe investuesve ta zgjerojnë veprimtarinë", tha Ageler.

Ambasadorja amerikane theksoi se reformat do të ndihmojnë në diferencimin e financave, zgjerimin e tregjeve kapitale dhe uljen e varshmërisë nga borxhet e jashtme.

"Me punën së bashku kontribuojmë që vendet tona të jenë më të sigurta, më të fuqishme dhe më prosperuese. Dhe gjithashtu vendosim baza për të ardhme më të ndritshme për gjeneratat e ardhshme", konkludoi Ageler.

Paraprakisht ministrja e Financave, Gordana Dimitrieska Koçoska theksoi se ky partneritet nuk është vetëm mbështetje, por proces afatgjatë i përforcimit të institucioneve, rritje e ekspertizës dhe krijimit të sistemeve moderne të cilat do të sigurojnë financa të parashikueshme, përgjegjëse dhe transparente publike.

Ajo, duke folur për bashkëpunimin me Ministrinë e Financave të SHBA-së përmes Zyres së tyre për ndihmë teknike (OTA), tha se bashkëpunimi me Thesarin e SHBA-së në pjesën e sektorëve Buxhet dhe Thesar ka rrënjë të thella dhe se sistemi ynë për planifikim buxhetor do të ishte zhvilluar fillimisht me ndihmë teknike nga SHBA-ja në periudhën prej vitit 2004 deri në vitin 2008 dhe paraqet bazë mbi të cilën sot ndërtojmë menaxhim bashkëkohor me financat publike. ab/

Foto: МIА