Shkup, 27 nëntor 2023 (MIA) - Në kuadër të Konferencës së Komisioneve për Çështje Evropiane të Parlamenteve të vendeve-anëtare të Bashkimit Evropian, që po mbahet në Madrid, kryetari i Komisionit për Çështje Evropiane, Arbër Ademi realizoi takim të veçantë me Alessandro Xhilio Vigna, kryetar i Komisionit për Politikat e BE-së dhe Alesandro Kataneo, anëtar i Komisionit nga Parlamenti i Italisë. 

 Në takim, siç bëri të ditur pres shërbimi qeveritar,  u shkëmbyen mendime, u prezantuan perspektivat dhe çështjet kritike që lidhen me rrugën e vendit tonë drejt aderimit në BE, si dhe në lidhje me transponimin e acquis communautaire, si dhe në lidhje me mbështetjen e opinionit publik.

"Duke u shprehur se dy vendet ruajnë marrëdhënie miqësore dhe gjithëpërfshirëse, Kryetari Ademi shprehu vendosmërinë e tij për thellimin e bashkëpunimit dhe intensifikimin e dialogut politik në periudhën e ardhshme. Ai falënderoi Italinë për mbështetjen e vazhdueshme në procesin e integrimeve evropiane, duke theksuar se roli i Italisë si partner relevant i politikës së jashtme të Maqedonisë së Veriut është me rëndësi të madhe në procesin e aderimit", theksohet në kumtesë. 

Lidhur me aderimin në BE, kryetari i Komisionit për Politikat e BE-së i parlamentit italian, Xhilio Vigna, shprehu mbështetjen e plotë të vendit të tij për Maqedoninë e Veriut, duke theksuar se Italia mund të ofrojë ndihmë në lidhje me aderimin në BE duke forcuar bashkëpunimin e përgjithshëm.

Ai shprehu besimin se gjatë mandatit të tij do të përmirësojë bashkëpunimin parlamentar në të gjitha nivelet.

 Vigna, siç shtohet në kumtesë,  informoi se Komisioni për Politikat e BE-së në Shëpinë e Deputetëve aktualisht po shqyrton dhe debaton rezoluta të rëndësishme në lidhje me mbështetjen e Italisë për procesin e zgjerimit të BE-së ndaj vendeve të Ballkanit Perëndimor.

Bashkëbiseduesit i kanë shqyrtuar  mundësitë për përmirësimin e mëtutjeshëm të marrëdhënieve dypalëshe në fushat me interes të ndërsjellë, ndërsa u theksua edhe zhvillimi i mëtejmë i bashkëpunimit në planin politik dhe ekonomik 

 Foto: Kuvendi i MRV-së