Shkup, 20 shkurt 2026 (MIA) - Doktor Andon Çibishev nga Klinika e Toksikologjisë edhe në vitin 2025 e përsërit të njëjtin qëndrim në lidhje me spitalet modulare të ndërtuara gjatë kovid-krizës, një qëndrim që kishte edhe në vitin 2021, pas zjarrit në Tetovë, kur u dogjën 14 persona. Deklaratat e tij në lidhje me këtë u bënë përsëri aktuale pasi ish-prokurorja në PSP dhe PP, Lejla Kadriu, në një paraqitje publike, theksoi se problemi është se spitalet modulare janë ndërtuar me panele të lira prej 5-6 euro, në vend të atyre më të shtrenjta që mund t'i rezistojnë zjarrit për 45 minuta, dhe se nëse procesi do të kishte shkuar deri në fund, gjysma e qeverisë së atëhershme duhet të kishte përfunduar në burg.

Çibishev mbetet i qëndrimit se spitalet modulare nuk ishin të përshtatshme për kujdes intensiv të pacientëve me Kovid dhe se mund të ishin përdorur disa kapacitete shëndetësore ekzistuese që nuk po përdoreshin. Ai beson se paratë e Bankës Botërore mund të ishin përdorur për të rinovuar dhe ripajisur ato objekte.

Për emisionin “Za ili protiv” në Televizionin Alfa, katër vjet pas deklaratës së tij të dhënë menjëherë pas aksidentit tragjik në spitalin modular në Tetovë, Çibishev edhe në emisionin “Za ili protiv” nga 2 qershori i vitit të kaluar, mbetet në qëndrimin se që në fillim është marrë vendimi i gabuar, që shëndetësia gjatë periudhës së pandemisë të mbështetet në spitalet modulare në të cilat, siç thotë, nuk ka pasur kushte të përshtatshme.

"Absolutisht, me ato para, ka qenë e mundur që kapacitete të caktuara që nuk përdoren, nuk janë në funksion për arsye të ndryshme, të përshtaten në një kohë të shkurtër në mënyrë që të jenë funksionale dhe të akomodojnë pacientë kaq të rëndë që kanë nevojë për kujdes intensiv. Ne nuk mund t'u ofrojmë trajtim intensiv pacientëve në spitalet modulare. Unë kam hyrë në një spital modular dhe e di se si duket brenda. Kjo nuk ka të bëjë fare me kapacitetin për të ofruar një kujdes të tillë që kërkon standarde të larta, kritere të larta", thotë Çibishev. 

Spitalet modulare, sipas tij, është mundur të përdoren në një periudhë të shkurtër kohore, domethënë ndërsa disa objekte shëndetësore rinovohen dhe përshtaten për të akomoduar pacientë të tillë që kërkojnë trajtim intensiv.

Duke komentuar informacionin e zbuluara nga partia në pushtet VMRO-DPMNE se është nënshkruar një aneks i kontratës me kompaninë që ndërtoi spitalet modulare dhe çmimi është rritur për 20 përqind me një kërkesë për të ndryshuar panelet, Dr. Çibishev thotë se kjo është e pavlerë dhe tragjike.

"Ligji lejon që të shtohet diçka dhe detyrimisht shtohen ato 20 për qind, megjithatë, nëse bëhet ndonjë lëshim gjatë planifikimit, gjatë projektit, përgjegjësi duhet ta mbajë kompania që e merr punën, dhe jo të nënshkruhet përsëri një aneks, dhe pastaj përsëri të tërhiqen para nga buxheti sepse dikush ka bërë një lëshim, e ka bërë projektin në mënyrë jo serioze, ose për arsye të tjera të njohura mirë, një lloj marrëveshjeje të ndërsjellë. Gjëja më tragjike në fund, dhe me ato para, përsëri, të mos bëhet siç kërkojnë standardet, përsëri të jetë një objekt në të cilën pacientët thjesht do të kalojnë, do të marrin një shërbim me standard të ulët dhe do të mbetet kaq jofunksionale dhe do të nevojiten para shtesë për ta bërë funksional", thotë Çibishev.

Çibishev mbetet i qëndrimit se gjatë krizës Kovid është bërë një gabim i tmerrshëm me spitalet modulare, për të cilën gjë konfirmim është edhe zjarri në vitin 2021 në spitalin modular në Tetovë, ku humbën jetën 14 persona.

"Edhe katër vjet më parë, po flisnim për diçka që tani po aktualizohet si një dështim i tmerrshëm i autoriteteve të atëhershme të cilat lejuan, në kulmin e pandemisë, ndërtimin dhe instalimin e disa objekteve, siç janë spitalet modulare, që ishin absolutisht jashtë të gjitha standardeve dhe të gjitha protokolleve të përcaktuara për kujdesin ndaj pacientëve të sëmurë rëndë. Në spitalet modulare pranoheshin pacientë me infeksione Kovid që ishin në një gjendje mjaft të rëndë. Një pjesë e mirë e tyre kishin probleme me frymëmarrjen, kështu që duhej të viheshin në frymëmarrje të asistuar. Dhe e gjithë kjo e bëri të gjithë situatën edhe më të rëndë. Dhe atëherë, dhe tani do ta përsëris se spitalet modulare nuk ishin objekte, nuk ishin kapacitete në të cilat supozohej të kujdeseshim për një patologji kaq të rëndë, pacientë kaq seriozë. Edhe atëherë, edhe tani, kemi objekte shëndetësore që janë ose më standarde ose me ndërhyrje të vogla mund të silleshin në një situatë ku ato mund të standardizoheshin në mënyrë që të mund të kujdeseshin për pacientë kaq seriozë. Megjithatë, për fat të keq, ndodhi ajo që ndodhi dhe kjo është njëra pjesë e gjithë kësaj tragjedie. Spitali modular u dogj, u dogjën pacientë brenda, u dogj stafi, u dogjën të afërmit e pacientëve dhe që atëherë e deri më tani kemi parë që kjo tragjedi nuk ka marrë një përfundim ligjor", thotë Çibishev në një paraqitje televizive në vitin 2025. ls/

Foto: Arkivi i MIA-s